دامەزراوەی ڤیژن بۆ لێکۆڵینەوەی ستراتیجی، لە سەردانێکدا بۆ ئۆفیسی یۆنامی، گفتوگۆ دەربارەی ڕاپۆرتی (UPR) واتە راپۆرتی  ڕەوشی مافەکانی مرۆڤ لە عێراق وهەرێمی کوردستاندا دەکات.
چوارشەممە، ڕێکەوتی 29-ی کانوونی دووەمی 2025، شاندێکی دامەزراوەی ڤیژن سەردانی ئۆفیسی مافی مرۆڤی نەتەوە یەکگرتووەکانی لەشاری هەولێر کرد. 
شاندەکە، لەگەڵ بەرپرسی ئۆفیسی مافەکانی مرۆڤ بە وەکالەت کۆبوویەوە و گفتوگۆیان دەربارەی بەندەکانی راپۆرتی پێداچوونەوەی وەرزی مافی مرۆڤ (UPR)-ی کرد. 
هەروەها لە لەبەشێکی دیکەی گفتوگۆکانیاندا، هەردوولا باسییان لەڕەوشی مافی مرۆڤ لە هەرێمی کوردستاندا کرد، هەروەها ئاڵنگارییەکان و ڕێگاکانی باشترکردنی ئەم پرسە تەوەری باسەکانییان بوو.